安志杰酸溜溜拒翻啅婷婷

內地女星胡然大讚伍允龍與安志杰靚仔有型。

今年五月《好報》踢爆謝婷婷與安志杰分手後，屢傳兩人「翻撻」，但昨日女方被爆跟「曲髮老外」蜜遊泰國布吉島，更公然在機艙攬錫！

安志杰昨日與伍允龍、內地女星胡然等接受訪問，問安志杰知否婷婷有新歡？他驚嘆地說：「吓？係咩？我唔知呀！」他坦言分手後一直有跟婷婷聯絡，間中亦會互傳貓狗照。至於會否問對方的戀情？他即酸溜溜地說：「唔會，但會恭喜佢囉！（你依家嘅感情狀況？）好，好single。」再問會否「翻啅」婷婷？曾揚言四年情「緣分已盡」的他再次決絕地稱：「冇諗過。（你明『翻啅』咩意思？）明，我唔會『翻啅』。」

安志杰稱現時專心事業，不心急拍拖。

謝婷婷日前被爆與老外新歡在機艙攬錫。（資料圖片）

伍允龍被踢暈

安志杰與伍允龍於新片《惡戰》激打連場，前者表示冇難度，伍允龍則自爆打到數度入醫院：「有次咳到出血，因為現場好多塵，但拍打戲冇得戴口罩，入面（喉嚨）損晒！」伍允龍又指被安志杰踢暈，不知他真暈的動作導演袁和平還大讚效果好。胡然則笑言喜歡兩位男主角，更與伍允龍有咀戲。問伍允龍有否向「女友」鍾嘉欣備案？他說：「唔使講，冇所謂，工作啫。」並坦言會邀請嘉欣睇首映。

文：影視組