阿姐謝雪心寒風冷雨祭女姐

【呂詠雯廣州直擊】一代名伶紅線女昨於廣州舉殯,圈中後輩紛現身作最後致敬,汪明荃難忘女姐循循善誘教曲目。任劍輝與女姐的相處軼事,至今謝雪心仍歷歷在目,而在港出席追悼會的米雪、蓋鳴暉對國寶級巨星隕落,深感慨嘆,寒風細雨送女姐最後一程,更添哀愁!

紅線女昨早於廣州舉殯,本港新光戲院同時舉行弔唁活動,不少名人藝人於省港兩地,向這位前輩作最後致敬。汪明荃(阿姐)與十餘位八和會館成員,包括謝雪心等,專程北上奔喪,阿姐直言在女姐身上獲益良多:「《穆桂英大破洪州》成個劇目都係佢教我嘅,女姐突然離開,我覺得非常愕然,係粵劇界嘅大損失。(擔心日後業界後繼無人?)希望各界多啲出力囉,生老病死冇辦法。」

「難忘金嗓子」

謝雪心身為任劍輝徒弟,師傅曾多番與女姐結戲緣,故對這位已辭世的前輩印象尤深,心姐大讚女姐天生一副好嗓子,又形容其遺容安詳舒服。導演唐季禮以往在演藝人協會活動上與女姐有緣碰面,他大讚女姐說:「佢非常提攜後輩,對自己的事業一生忠誠,畢生愛國。」平日鮮有偕妻露面的劉德華,昨日亦拖實老婆躋身人群向女姐致敬,大部分時間戴上口罩的劉妻朱麗倩,多番迴避記者鏡頭,完成儀式後即在助手掩護下避開記者追訪,冒雨登車離開,場面狼狽!

「粵劇界佛祖」

至於本港新光戲院舉行的女姐弔唁活動昨早仍繼續,米雪、蓋鳴暉現身致祭,蓋鳴暉盛讚女姐說:「佢係粵劇界佛祖,為人學到老做到老。」車淑梅偕同老公張文新出現,邀得晚年的女姐破例受訪:「佢精神好,仲帶我去藝術中心,又食佢最鍾意嘅膶腸,原本我想聖誕節再送膶腸畀佢,可惜已經等唔到。」而英皇集團70周年之時,她倆被安排同桌,女姐跟車淑梅說入行比英皇還更長久,她認為女姐畢生追求藝術,希望後輩可以學習。

而霍震霆到場後在弔唁冊上寫上「痛失一代伶人」,大讚女姐在擴大粵港兩地溝通、發展文化方面不遺餘力。另外,女姐首位入室弟子南紅接受電視訪問,談及師傅生平時說:「佢工作太忙,冇教我太多粵劇技巧,佢介意但我覺得冇嘢,反而要感激佢喺電影及粵劇方面嘅提攜。」