杜汶澤醉街撐阿田
《萬千星輝頒獎典禮2013》今日將誕生視帝視后，今年有份角逐視后的田蕊妮，獲老公杜汶澤在Instagram積極拉票，昨日阿澤上載有田蕊妮照片的投票頁面，並留言：「你投咗票未？」為老婆出一分力，認真抵錫！
另一方面，阿澤昨日在Instagram上載飲醉後被四個大漢抬走相片，相中阿澤不省人事兼呼呼大睡，四名友人卻興奮更晒V「合照」，非常搞笑。原來他與前無綫新聞主播柳俊江及一眾友人開心飯敍，但似乎不勝酒力，阿澤昨午驚覺已身在家中，明顯斷片，嚇得急急在facebook問助手：「點解我會瞓咗響廳o架！邊個送我番（返）泥（嚟）o架？」可憐畀面出席的柳俊江，竟被阿澤徹底遺忘：「柳爺你有嚟咩？」有朋友留言笑指斷片阿澤似足港版《醉爆伴郎團》。