傅嘉莉做掌上明珠

模特兒傅嘉莉（Kelly）與Mandy Lieu昨日出席商場聖誕活動，曾透露有追求者邀約同遊巴黎過聖誕的Kelly，昨表示已拒絕對方，改為一大班朋友到日本旅行，她甜笑說：「佢話唔想到時喺大班朋友面前送聖誕禮物畀我，所以提早送，係一隻珍珠戒指，佢話珍珠代表我係佢嘅掌上明珠。（已接受對方？）未落實，但感覺良好。呢隻戒指唔係一粒鑽石嗰種，所以可以接受。」而Mandy則自爆在台灣拍戲受傷，被棍仆腫咗個頭。