徐子淇拖老公低調撐

徐子淇精神大好，與丈夫李家誠捧子女場。

育有兩女一子的千億新抱徐子淇向來十分疼愛子女，可謂廿四孝媽咪，平日都會親自接送子女返學放學。昨日她的子女有份於聖誕芭蕾餐聚上表演，她當然到場欣賞及支持，丈夫李家誠亦有同行，不過兩人均表現低調，未有從正門進場以避開一眾傳媒，至表演開始後才從秘道悄悄進場。日前子淇出席活動時曾一度不適，而昨日見她一臉精神奕奕，能夠欣賞子女演出自然心情靚靚。

雷林靜怡施教谷到行

同場還有九巴新抱雷林靜怡（Jane）及息影多年的柏安妮，兩人都分別帶同一對女兒赴會。Jane透露9歲的二女Jacqueline及6歲的細女Jamie除了芭蕾舞外，還有學普通話、英文、中文、溜冰、繪畫等十樣。問她囡囡可enjoy？她說：「佢哋唔識，兩歲已經開始學，唔識講話辛苦，而囝囝13歲，要主力讀書，所以學少啲。（囝囝咩都同你講？）佢都冇嘢好收埋，得功課同玩。我成日都跟住佢，今日佢去打波，輪到佢爹哋跟住佢。我哋係去支持佢同鼓勵佢。（佢接受？）接受，佢會問我哋去唔去睇佢。」她透露原計劃月底一家人到曼谷旅行，順道慶祝囝囝和囡囡的生日，但現在會留在香港。

雷林靜怡兩個囡囡都有份演出。

柏安妮忙於特殊教育工作，無暇復出。

而柏安妮的大女今年12歲，細女就9歲，都有學芭蕾舞。問到可會復出拍戲？她表示沒有時間，現忙於有關特殊教育的工作。

文：名人組