林子祥孭帶做禮物贈乖孫
林子祥（阿Lam）前晚以表演嘉賓身份出席《香江話當年暨九龍樂善堂133周年慈善晚宴》，近日頻頻出席活動的阿Lam笑言：「唔知點解咁多人搵我。」現正忙於跟拍檔趙增熹準備本月21日在澳門的演唱會，阿Lam表示演唱會編排大致和上次在港相同，兒子林德信亦會一齊表演。
完成演出後阿Lam會留港過聖誕，自言怕凍的他稱香港氣溫最合適，問到可有選定聖誕禮物給家人和剛出世的外孫？他說：「送禮物唔使等過節，幾時送都得，不過都預早買咗孭帶、baby seat畀外孫。」雖然未有時間探女兒和外孫，但他坦言見到女兒開心，自己亦很開心。
提到照顧小朋友，他說：「你知唔知我兩個細路條臍帶都係我剪o架！雖然我見血會暈，但自己細路就唔緊要啦，仲係親眼睇住佢哋出世，我都有同仔女講番。」