吳卓羲鼓勵向前看

吳卓羲昨日出席古裝劇《醋娘子》拜神，對於前緋聞女友馬賽斬情絲復出，他替對方講好說話，表示：「好快就過去，香港人好善忘，最緊要係佢鍾意演藝工作。（短訊慰問馬賽？）我哋冇交換過電話，冇聯絡，但作為同事會鼓勵佢。」同場的胡杏兒則對馬賽復出表示：「呢啲係佢啲私人事，唔使講到要大家畀機會咁嚴重。希望佢唔好諗咁多，專注工作，我支持佢o架。」昨日見杏兒與吳卓羲均患感冒，杏兒笑謂已傳染給陳煒，交叉感染齊齊病。