仙樂都學唱歌撈多瓣

模特兒「仙樂都」吳堯堯（YoYo）經常返內地打碟，最近她希望「撈多瓣」登台獻唱，於是向經驗豐富的歌唱老師Alice Amu（繆樂）拜師，當日兩人傾談兩個小時，Alice才肯收YoYo做學生，她說：「學生嘅表現直接代表我，所以我要了解清楚佢為人，YoYo入行咁多年仍然想增值，所以想幫佢。（佢學習態度點？）肯學肯練，但有時用錯方法。」YoYo表示試過在屋企亂嗌導致聲沙，幸得Alice急急糾正，她又笑言曾跟其他老師學唱歌，但以Alice最夾：「可能之前係男老師，身體結構唔同，所以想搵同自己差唔多身形嘅。」嚇得Alice即說：「吓！我哋差好遠喎！」她又禁止YoYo學滿師前上台獻唱，YoYo亦乖乖推Job，希望練好歌藝後一鳴驚人。