鍾昊求突破激走女友
出爐亞生鍾昊、余健深及狄凱亞，從三地離鄉別井來港作賽，為闖一番事業，鍾昊更刻意與女友分手，激到舊愛嬲爆。曾是「肥仔」的狄凱亞與「肥女友」甩拖後，勁減35公斤，瘦身後贏得亞生季軍外，又抱得美人歸！余健深則為給女友驚喜，偷偷來港參賽。
有「廣州吳尊」之稱的亞生鍾昊（Clarence），以大熱姿態成為四料冠軍，但成功背後卻要付出代價，以事業為重的他直言，賽前與24歲的廣州女友分手，並坦承對方也甚激氣：「我諗住30歲先結婚，暫時考慮香港發展，所以唔想拖人哋時間，雖然佢話想等我，但話晒女仔嘅時間好珍貴，我覺得佢等嘅過程會傷心，希望佢睇到會明白點解同佢分手。」在廣州做了四年模特兒的Clarence稱，希望趁後生來點突破，既想拍劇又想唱歌，他說：「大學時參加過歌唱比賽，係十大歌手第四名，有人話過我把聲似魏晨。」
狄凱亞成功減肥
來自菲律賓的季軍狄凱亞（Alvin）則自爆20歲到24歲時，體重高達110公斤，當時更經常被人嘲笑。「重量級」的他花了兩年時間，靠每日健身、戒飯及多脂肪的食物，足足減去35公斤！為何突然下定決心減肥？Alvin說：「因為我想做Model、想增加自信。」
問到肥胖時期有否女友？他笑謂：「有，但佢都好肥，不過我哋已經分咗手，之後我就開始減肥。（減肥後有見前度？）有，佢話想同我喺番埋一齊，但我唔想，哈哈，講笑咋。」目前他亦覓得索爆model女友。第二次來港的Alvin，並表示港人對他很好，且知道比賽好公平，估未受港菲緊張關係影響。
余健深製造驚喜
亞軍馬來西亞的余健深（Gibson）表示為了給女友驚喜，故對方仍未知他參賽，並謂：「有時我會send相，好似試衫、化妝咁，佢都會問點解要化妝，但我想保留期待畀佢，到見面時先同佢講我拎咗亞生，好期待佢嘅反應。」對演藝界有興趣的他，也不排除留港發展。
文：影視組
攝影：司徒國榮
服裝：indu homme