黃紫盈冇本錢 唔諗性感

無綫前新聞主播黃紫盈昨日出席Mel朗豪坊專門店揭幕禮,獲粉絲支持。有傳離開無綫後的她會投身公關工作,她說:「有新消息再同大家講,依家休息緊,唔想講工作。」

問到她出席活動的酬勞是否如傳聞所說跟岑麗香同級收五萬元一小時?她說:「唔知道,係開心價。」問她可會性感上陣?她說:「我冇乜本錢,冇乜留意同重視自己身材。(性感但酬勞多啲呢?)唔知,健康形象應該唔會抗拒。」