葉翠翠date大律師 斷正勞氣

近年緋聞不斷的葉翠翠,曾大呻沒有男士敢埋身,日前她卻被拍得與大律師葉啟亮茶敍,不過被撞破後二人反應大不同,翠翠勞氣指自己似異形,而葉啟亮則笑騎騎。

現年32歲的葉翠翠一直緋聞不斷,早年曾與高鈞賢、趙薇老公黃有龍等傳緋聞,近年又被拍得密密與會計師及公司董事等約會,但奈何至今仍未找到真命天子。曾dry爆表示「唔通真係要我孤獨一個」的她,上月更表示選男友不會以靚仔、經濟和事業為大前提。

衣着襯色默契十足

言猶在耳,日前她就被拍得與大律師葉啟亮(Jacky)到銅鑼灣high tea,見二人衣着襯色默契十足,在餐廳內相對而坐。雖然現場有不少客人,但翠翠懶理被認出,大方與Jacky有傾有笑,而Jacky則不時托腮,專心聊天。近黃昏時,二人前後腳離開,Jacky先行離開上廁所,約5分鐘後翠翠亦走人,不過當記者上前詢問為何前後腳離開時,她卻表示:「咩呀!得我自己之嘛!」隨後獨自到停車場取車離開。

對於約會被撞破,二人的反應可謂大不同。葉翠翠透過電話訪問時直認茶敍,不過卻表現勞氣,似乎不滿被撞破約會:「係同佢飲茶,不過同friend飲茶冇咩大不了,唔好講到好似異形咁!當時我都有問個記者幾時開始跟我,佢話唔講得,其實我都可以唔答o架!我會同個朋友講番呢件事,佢點做就佢自己決定。」相反,Jacky透過電話訪問時,則笑騎騎:「係,係,係啊,不過唔係拍拖,係朋友嘅朋友啫。」當問到二人何時相識、如何認識及對翠翠的印象等問題時,Jacky未有正面回應,只禮貌地不斷重複表示翠翠是「朋友嘅朋友」。

據知,身為大律師的Jacky,與不少圈中人私交甚篤,好友包括谷祖琳、林盛斌(Bob)等。Bob與葉啟亮(Jacky)份屬好友,得知他與翠翠「蜜會」大為看好,並大讚Jacky正正經經、正正常常係筍盤:「雖然Jacky冇我咁靚仔,但都係一筍盤!」

文:專案組 攝:追蹤組