張衞健拖張茜中環被圍

出名錫老婆的張衞健，前日趁着不用開工，與老婆張茜出巡到中環行街享二人世界，約下午5時半，先見戴着帽的健仔單拖現身該處商場，未幾便失去蹤影。直至晚上8時，才見健仔會合了老婆張茜從名店步出，兩人各手持一袋二袋戰利品邊行邊傾，相當溫馨。

腹部平未似懷孕

早前被傳懷孕的張茜，當日見她腹部平平，行起路來健步如飛，看來暫時未似有好消息。兩公婆步出冇耐，即被大批遊客認出，並紛紛拿出手機包圍着二人拍照，頓時變了人肉布景板，場面墟冚。雖然被人對住狂影，但他們仍笑笑口任影唔嬲，期間有女途人上前要求合照，健仔來者不拒，還拖住老婆與一眾遊客有講有笑，態度親切！

張衞健與張茜被途人包圍，仍笑笑口任影。

張衞健駕車離開，豪氣畀二百元貼士泊車員。

預告下次影咀相

其後兩公婆十指緊扣過馬路到對面酒店取車，眾遊客依然緊隨其後，心情大好的健仔，邊行邊拿出二百元貼士給予泊車員，臨上車前亦發揮搞笑本色，向周邊的遊客表示：「下次錫埋畀你哋影，吓！」然後駕駛其林寶堅尼跑車與老婆離開。

文、攝：追蹤組