阿佘嚇到呆嘉穎護花不力
近日被傳復合的鄭嘉穎與佘詩曼出席商場聖誕活動吸金，不過全程交流欠奉，令期待他們復合的粉絲失望。嘉穎表示目前與阿佘維持好友關係感覺舒服，阿佘則笑言擔心「情侶檔」終有日睇到悶，即場更有瘋狂粉絲突破人群向她示愛，令她嚇到花容失色。
嘉穎與阿佘昨晚亮相主持「時代廣場」聖誕亮燈儀式，吸引大批途人圍觀。復合新聞傳得鬧哄哄的二人各拖一名小朋友現身，當記者要求二人行近點，嘉穎表現生硬，全程禮貌式拖手亦欠奉，腳踏4吋高跟鞋的阿佘則「自己顧自己」，實行用行動否認再墮愛河。
怕觀眾嫌悶
談到復合報道，阿佘原來不知情，當記者轉述後笑謂：「剛剛簽番公司（無綫），梗係做吓嘢先啦。（唔介意『情侶檔』做嘢？）唔介意，不過驚大家睇到悶啫。」她承認今次「情侶檔」酬金滿意。
活動完結時突然有中年瘋狂粉絲越過人群，並高呼她的名字，猶幸工作人員及時制服，阿佘事後表示：「個心離咗一離，入行以嚟最驚係今次，我着高踭鞋走唔郁。（搵個護花使者？）承你貴言啦。」
祝福劉愷威
至於嘉穎則表示與阿佘一直保持聯絡，目前好友關係最舒服。訪問期間他雖然未有明言一定不會復合，但即使阿佘早前被《好報》拍得與猛男同行，嘉穎似乎不太在意。談到「情侶檔」一事，他笑答：「咁真係蝕咗，一早接咗呢個活動先傳（復合）。」他又指復合報道只是「想像力豐富」談到刻下的感情生活，嘉穎答：「吹無定向風，順其自然啦，不過好戥吳奇隆同劉愷威開心。（恭喜咗奇隆？）我哋成班有group chat嘅，相信佢哋拍劇時未開始，最好問番當事人啦。」
文：影視組