杏兒無心爭視后
胡杏兒前晚到銅鑼灣出席聖誕活動，將拍新劇《醋娘子》的杏兒聖誕要工作，問平安夜有否男士約她？她說：「冇人約，平安夜對我嚟講係好遙遠嘅事。」再問開劇會否令年尾賺少了外快？杏兒說：「少少，倒數會出席活動，其他就度緊期。」
對於無綫視后之爭，杏兒打定輸數：「冇乜機會，攞獎要睇天時、地利，大家都唔記得《衝上雲霄II》啦，播咗咁耐，今年睇好鍾嘉欣、徐子珊。」有指馬賽的「攣情」影響無綫藝人形象，連帶出騷價也下跌，杏兒謂：「唔會，唔可以話一個藝人就影響到公司。」有傳鍾嘉欣的出騷價已超越杏兒的十萬？她說：「咁咪好，戥佢開心，我唔知嘉欣咩價，十萬係港幣定人民幣？總之我係開心價。」