有份贏馬的阮兆祥昨日接受電話訪問，他笑言與大班老友入馬場純粹食飯敍舊，能夠贏錢是意外收穫。他興奮地說：「好開心呀！我哋其實唔識買，馬主話幫我哋落注，仲幫我哋畀埋錢，我哋都冇畀錢出嚟o架。（馬主朋友相當闊綽喎！）佢係圈外人，好低調嘅，不過大家有一齊玩開。（獎金點用？）哈哈！呢啲係lucky money，我咪當放落自己個演唱會度做經費囉！」