徐子珊無懼是非 揀戰衣爭視后

徐子珊昨日出席洗髮水品牌Rejoice宣傳活動，穿上白色谷胸大露背仙女裝。談到台慶夜是否更加性感，子珊笑謂：「仲揀緊，今次係Vivienne Tam特別喺英國運條裙返嚟，到時應該都係呢個牌子，一切以靚為主，唔一定要性感，頒獎禮嘅衫都未搞好，仲有成個幾月，呢排新劇《My盛Lady》宣傳日日着靚衫，都要準備好多衫，我又搵stylist搞，所以都要努力搵錢先得。」

否認變新寵

問到她可會憑新劇角逐視后，子珊表示要看觀眾反應，但相信自己也有機會，對於有指周麗淇與鍾嘉欣因爭獎傳不和，子珊表示不知情，更謂：「人哋嘅嘢我唔清楚，年尾都係多呢啲新聞（加埋你入去會好睇啲？）我唔識呢啲嘢，唔好放入去啦！畀我平穩過年，繼續工作就得嘞！」

而任司儀的商台DJ何基佑，對於被指取代DJ梁泰來主持的節目，因而成為高層陳志雲新寵，何基佑否認並表示只是轉換節目形式。

文：影視組