高海寧收起肥肉 逼爆「凸」圍
藝人高海寧（高Ling）、沈卓盈和徐淑敏（Suki）昨出席活動，雖然三女都收起性感，但高Ling依然「凸」圍而出；她笑言正努力儲錢，仲差少少就可以買700萬嘅樓，圓業主夢！
高海寧（高Ling）、沈卓盈和徐淑敏（Suki）昨在大角咀出席聖誕活動，她們都戴上可愛頭飾，打扮cute爆，啱晒宅男口味，難怪吸引不少龍友喪影！而在這童話式的主題下，她們都收起性感，高Ling雖收「線」露腿，但上圍仍然充滿壓迫感，正面側面都非常立體；相反，消瘦不少的沈卓盈就慘變平板電腦，而昔日咪神Suki就不復當年勇，直情穿上高領裙，不加入戰圈！
「樓價跌少少就夠」
穿上lace裙的高Ling，雖不算性感，但上圍仍然逼爆，她笑言全為收起肥肉。高Ling表示今個聖誕要拍劇，但她希望劇組能放假搵錢，好讓她努力儲錢買樓：「想買三房，但要成千萬，買唔起！（預幾多錢？）七百萬內，依家差少少，樓價跌少少就夠！」果然！高Ling之後被讀者發現去了奧運站浪澄灣睇樓，看來好快可做業主了。
沈卓盈變平板電腦
消瘦不少的沈卓盈搞到衣不稱身，更慘變平板電腦，她就表示：「應有嘅都仲有嘅，平時都有做擴展運動同豐胸療程！」講到好友馬賽疑戀上內地女製片，更在上海當街擁吻，她就指作為朋友支持對方的選擇：「最緊要佢開心！」不過她就笑言未試過和男友在街親熱：「最好喺屋企先！」而今個月是Suki和老公黃浩結婚四周年，她透露會到馬爾代夫旅行兼造人。
文：影視組