G.E.M.預告唔去叱咤
G.E.M.、李克勤、張敬軒及數十歌手昨日齊集《恒生勁爆Music World新城勁爆頒獎禮2013》記者會，克勤和G.E.M.分別率先獲頒「播放指數大獎」的歌曲和歌手獎，新城高層朱明銳表示今年會行「唔到冇獎」制度，頒獎禮當晚撞正個唱的容祖兒曾揚言未必能出席新城的頒獎禮，朱明銳「奉勸」祖兒抽空到場，但已表明不會出席頒獎禮的軒仔昨日仍獲頒「發燒音樂專輯」。
克勤搵子華度橋
日前缺席《叱咤頒獎禮》記招的G.E.M.，解釋當日未有獲邀：「乜舉行咗咩？佢冇邀請我去。」年初拍片暗示叱咤搞小圈子選舉的她，又表明今年不會現身該頒獎禮。
面對一眾新人，克勤認老笑言自己似家長，而下月舉行的《左麟右李》演唱會則請了黃子華幫手為棟篤笑度橋，他前晚亦特別到賀其女助手婚禮。
欣宜簽星夢5年
另外，「星夢娛樂」行政總裁何哲圖要求星煥舊將於明日前決定是否簽約星夢，鄭欣宜和吳若希昨日確實會過檔，但不會簽十年長約，欣宜說：「簽5年左右，同埋會有底薪。」換言之「星煥派」只剩謝安琪和Super Girls（SG），SG表示經理人仍未決定五人去向，但強調絕不會拆夥發展。
文：音樂組