羅蘭夢想身體健康
羅蘭、王梓軒昨日出席信興集團「60周年鑽禧誌慶酒會」，羅蘭大讚此集團早前辦的訪問老人家夢想活動十分有心，她談及個人夢想時說：「都成70幾歲人，做戲方面咩角色都演過，係想身體健康囉，因為個膝頭哥唔係咁好。」下周三牛一的她屆時會相約教友食飯。
在無綫節目巡禮中她孭飛的《龍婆一鬼一故事 》反應很好，羅蘭說：「睇吓拍出嚟收視係點。（開工有冇工時要求？）冇喎，拍電影就會，因為一超過十二個鐘就要補20%人工。」她指TVB其實很照顧老人家，會盡量趕拍他們的戲放人。
正拍攝劇集《新抱喜相逢》的王梓軒在節目巡禮上亦有兩劇在手，即將舉行的《勁歌金曲頒獎禮 》他是否也「坐定粒六」？梓軒指今年只得兩首歌，但最令他開心是《跳火坑》一曲首次獲提名「金帆獎」最佳旋律。