鄭世豪無力置業 拍拖睇劏房

鄭世豪下月8日做老襯，為豪擺婚宴被《好報》發現要節衣縮食，帶女友篤魚蛋睇劏房，昨日就此致電世豪，他直言因對樓盤一竅不通，所以經過才研究一下：「我唔係睇劏房啊，（咁諗住買樓？）嘩呢個簡直係天方夜譚，要樓價跌好多先實現到，暫時都未有咩計劃。」提到他日前於無綫節目巡禮中頗受歡迎，世豪承蒙大家厚愛，其實想趁機找有關運動及牙膏廣告：「我好鍾意運動，朋友又讚我棚牙夠白，可惜都搵唔到，同埋我又唔記得宣傳當晚贊助我珠寶嘅贊助商，因為我仲未搵到心水婚戒，希望贊助商可以幫手。」