馬國明爭視帝冇壓力
藝員馬國明、朱千雪、黃智雯等前晚出席飯局齊齊欣賞《On Call 36小時Ⅱ》首播，首集收視平均有29點好成績。談到憑劇中角色爭逐「視帝」，馬國明打定輸數說：「今年係有資格爭視帝以嚟最多對手，好似吳鎮宇、張智霖、郭晉安等，入到五強都偷笑，贏就真係幸運加偷雞囉，完全冇壓力。」
他得悉朱千雪亦是「Dry爆」冇拖拍，笑言希望與她傳緋聞。有人提議他飯局後送千雪回家，馬國明說：「咁又唔使咁刻意，我唔信一見鍾情，要相處吓做到朋友先拍拖就最好，所以做呢行好難搵女友，吳啟華、楊怡、李詩韻都話介紹女仔畀我，隨遇而安啦。」他又賣花讚花香謂TVB好多筍盤：「好似楊怡，一日未結婚都仲可以選擇，拍拖唔算封盤。」
朱千雪回應被指介入陳智燊與宋熙年的戀情，她澄清說：「我哋只係朋友，之前一齊拍過旅遊節目，報道對我冇影響，唔會唔開心，當係幫新劇宣傳。」她坦言現時沒有追求者，專心工作，拍拖遲一步再想。