鍾嘉欣貪意頭 黑裙爭視后

嘉欣自言不覺近期的衣着打扮比前性感，只是穿出fashion的感覺。

鍾嘉欣昨日為英皇珠寶「Art of Nature」珠寶首飾預展擔任模特兒，穿上低胸晚裝演繹價值逾500萬港幣的「初冬雪」系列黑玉珍珠鑽飾，身為英皇鐘錶珠寶董事總經理兼主席的楊諾思亦有親自監場，並戴上同樣價值逾港幣500萬的「春蝶舞」翡翠紅寶鑽飾作示範。嘉欣自言家中鑽飾不多：「有對媽咪送嘅藍寶石耳環，自己都買過鑽石戒指。我儲緊錢想買樓先。（有冇男仔送珠寶畀你？）未試過，就算有都唔知應唔應該收，覺得太貴重。（男友送呢？）我會重視佢嘅心意多過禮物。」

「今年想突破自己」

談到今年無綫台慶頒獎禮視后之爭，大熱之一的嘉欣表示：「我搵咗位stylist朋友準備戰衣，（性唔性感？）好似唔性感。（有冇咩幸運顏色？）我聽聞有個傳言話每年都係着黑色嘅攞（視后），我就好少着黑色，鍾意着白色同粉色，但可以試吓着黑色吖，今年想突破吓自己。（即係你都想攞視后？）都係平常心啦。我入行9年好似得一次係着黑色，嗰次係超性感。（咁要突破你嘅性感？）唔好。」另外，問到楊諾思可會贊助嘉欣台慶及頒獎禮的珠寶，她稱要視乎系列是否適合：「嘉欣示範緊嘅呢個系列就好適合佢。」

黑裙視后逐個睇 2010年 鄧萃雯

黑裙視后逐個睇 2011年 胡杏兒

文：名人組

黑裙視后逐個睇 2012年 楊怡

楊諾思（左二）與嘉欣及模特兒示範英皇珠寶。