傳片場拔毛拍床戲 許亦妮鬧黐線
陳靜辭演《喜愛夜蒲3》，造就許亦妮加戲份。不過，許亦妮由參演至今是非不斷，屢次被指耍大牌，黐導演、監製，而昨日有傳她拍攝一場親熱床戲時，因要穿內衣褲上陣，惟她穿上內褲後，發覺陰毛外露，遂即叫女工作人員幫她拔毛，更成了全組笑柄。
對於拔毛事件，片中女主角雨僑表示：「有聽過呢件事，不過唔知邊個，嗰日我要拍一場性感戲，工作人員就同我講，上一個拍親密戲嘅女仔未掹好毛，提我預先搞掂。」另一演員Celia K.則對許亦妮被眾女角杯葛一事，表示：「多數女仔都多嘢傾，但好多時都唔見許亦妮。」
對於種種負面傳聞，許亦妮昨日回應：「有時我真係一頭霧水，錢導演（錢國偉）叫我一笑置之，仲話一個人蝦咁多人講都冇人信啦！我問心無愧！尋晚我都有同伍姑娘（伍詠薇）喺電話講起呢件事，前輩話笑吓就算啦，佢都好support我。」對於「拔毛」事件，許亦妮否認：「黐線！梗係冇啦，咁personal（私人）嘅嘢點會叫人做！講笑講得太過分！我唔會嬲，但聽到覺得好可笑囉。」