嘉玲買屋嫌煩 投資翡翠
劉嘉玲前晚出席活動時表示愈來愈喜愛翡翠，因翡翠價值倍升，比磚頭更值錢，加上買屋很麻煩，令向來愛買磚頭作投資的她也要重新計劃，改而投資翡翠。在買樓投資方面，嘉玲大讚老公梁朝偉出手比她還要快，相當專業。
前晚劉嘉玲戴上價值三千萬港元的瑰麗翡翠首飾，雍容華貴的出席中國頂級翡翠珠寶品牌昭儀翠屋首間香港精品店開幕慶典，談到翡翠時她以人愈趨成熟開始喜歡翡翠：「依家啲翡翠加入新元素，好fashion，呢啲係中國文化，亞洲獨有嘅珍寶，要承傳落去。（有冇收藏？）我應該早少少買，唔應該買磚頭，物以罕為貴，幾倍幾倍咁升，追都追唔到。（唔夠你間一億屋咁貴？）呢啲翡翠同藝術品仲值錢過磚頭，我要重新計劃吓，翡翠易存放同埋可以戴出嚟，買屋好麻煩，要交稅，啲租客又可能會投訴。（叫老公送翡翠畀你？）我唔係呢啲人，我好獨立，靠自己，老公送固然開心，自己買就更開心。」
學做生意
近日有傳嘉玲於上海買下價值逾億的新屋，她說仍在磋商階段，大陸買樓限制多，有好多條件要傾，雖然地址曝光，但不會放棄，因是AA grade值得投資，更屬搶手貨，她有意用作出租或投資。問她的投資多是買磚頭？嘉玲說：「因為我好蠢，咩都唔識，係近呢兩、三年先學識做生意，屋企人同身邊嘅朋友一直都驚我畀人呃，叫我唔好亂做生意，買磚頭穩陣。依家自己大個咗同成熟咗，可以試吓做生意。」說到買樓，嘉玲有給意見偉仔，她說：「依家佢出手仲快過我，好專業。」
生仔加油
同場的周汶錡（Kathy）戴上價值六百萬港元的白翡翠首飾，對於妹妹周麗淇有意將來生兩個小朋友，Kathy說：「佢不嬲鍾意小朋友，愛心爆棚，如果有能力湊可以生多啲。」至於她仍未有好消息，揚言要加油。
文：名人組