梁慧恩揼本千萬做榴槤女王
不少人只知前RoadShow女主持梁慧恩（Viann）老公林忠澤是富豪二代林忠豪堂弟，但原來林忠澤的背景並不簡單，有消息指林忠澤的外公正是有「工廈大王」之稱的楊耀松，已離世的楊耀松累積身家估計近百億，乃香港隱世富豪，雖然有如此巴閉的外公，但林忠澤秉承了外公低調作風，甚少提及自己背景。
連他的老婆梁慧恩也一樣，最近她唔靠老公，與友人集資近八位數字，引入新加坡著名榴槤貓山皇，大搞高級榴槤甜品生意，日前梁慧恩更到舖頭打點，老公林忠澤雖無份投資，但都有落手落腳幫手。因兩人都是高要求的人，故此於舖頭打點時都頗為緊張，而梁慧恩知老公林忠澤怕榴槤，但都逼老公試食甜品，大晒恩愛。
設計花心思
據知，梁慧恩搞今次生意花了很多心機，單單裝修已「碌卡」請來林忠豪弟弟林忠杰幫手，林忠杰本身是某大地產發展商的劃則師，而舖頭內部裝飾也特別從外國訂一些特色的燈、鐘用作布置。
記者就有指林忠澤原來是楊耀松外孫一事向Viann求證，她表示：「係，呢啲私人嘢我哋唔會刻意講，但你哋問到都唔會否認。」
文：影視組