踏入秋季，又是Military元素服飾出籠的時候，軍褸、迷彩等充滿軍服味道的服飾是永遠都不會Out，在街上又或是時裝雜誌上一定可以找到其蹤影。近年設計師愛以十分剛強硬朗的Military特質配襯其他元素好像牛仔布、皮及Lace等，撞出不同感覺。軍褸就是入門必備，本港及外國一眾名模女星亦紛紛力撐這股Military風，名模陳嘉容就大讚韓國人氣組合少女時代剛中帶柔，鮮明突出，美國天后Rihanna則有着獨特個人風格。
「係佢一貫型格作風，佢好知道着咩適合自己，唔會有錯失，迷彩Pattern配Lace邊，硬朗之餘又散發出女性嫵媚女人味，着高踭鞋亦都拉長咗雙腿線條，令佢對美腿更加修長，成個造型簡單、乾淨利落，有煥然一新嘅感覺，如果再加對耳環仔就更Perfect。」
「Total look襯得好靚，有軍人味道，好硬朗，好有型，又有啲神秘感，係好穩陣嘅着法，帽、Boots同Belts都好襯，同佢平日Girly嘅打扮唔同，有新鮮感。可惜佢太細粒，件長褸同對長Boots顯得佢唔夠修長，如果佢再高啲就更正。」
「好好睇，好有特色，佢carry得好好，好襯佢咁有個性嘅character，外面鬆身棉大褸入面配tee加短褲，平衡番個比例，唔會顯得好bulky，襯埋近年非常流行過膝長boots，盡騷佢對長腿，成身嘅搭配好有型，凸顯佢獨有嘅個人風格。」
「另一種感覺嘅襯法，入面斯文嘅打扮外面再襯軍褸，條裙好多Pattern同貼身啲，襯件簡單啲同鬆身啲嘅軍褸可以Balance番個身形比例，型得嚟好有自己嘅Style，感覺舒服，年輕。」
「讚，好靚，女仔得嚟好有型，騷到佢哋對美腿同埋Fit爆身形線條，露腰有少少Sexy，成個造型好Fashionable，好Colourful，好Sharp好突出，Total look好鮮明，非常吸睛。」
香港著名模特兒陳嘉容（Eunis），曾為各大國際品牌行時裝騷，在時裝界打滾多年，在時裝的理論還是實戰都難不倒她，近年更為電視時裝節目擔任主持，化身stylist教人配襯衣着打扮。