城城（目及）中柯德莉塔圖

城城大讚柯德莉塔圖非常靚女，有意邀對方合作。

由香港I.T集團主席沈嘉偉有份投資的中國首家老佛爺百貨旗艦店，昨晚假北京舉行開幕慶典派對。為隆重其事，品牌邀請了法國女星柯德莉塔圖（Audrey Tautou）以時尚大使身份擔任剪綵嘉賓，其他賓客包括郭富城、張智霖、余文樂、周麗淇等，現場星光熠熠。不過柯德莉於剪綵後，在數名保鏢陪同下到派對會場，有記者叫她望向鏡頭拍照時，她也充耳不聞，直入派對場內。

賣首飾延亡父心願

西裝骨骨的城城則大讚柯德莉非常靚女，問到會否期待跟她合作？他笑笑口說：「等沈嘉偉幫我穿針引線，都要同我經理人傾吓。」他又自爆曾有荷里活編劇邀他合作，他直言要看劇本，若飾演壞人就沒有意思。另外，城城稱當得悉沈嘉偉開百貨公司時，已要求對方留定舖位給他：「細個時爸爸賣首飾，我都想賣呢類型嘢，當幕前工作減產就會做，希望係10年後。（想做珠寶大亨？）唔係，只係延續爸爸心願。」

老佛爺集團百貨公司部門執行總裁Nicholas Houze、柯德莉塔圖、老佛爺集團董事會主席Philippe Houze，以及沈嘉偉等進行剪綵儀式。

柯德莉塔圖未有停低影相，直入會場。

• 周麗淇（左起）、余文樂、城城、張智霖特地飛北京支持好友沈嘉偉。

余文樂：洋妞唔啱我

至於余文樂自言曾在影展見過柯德莉，坦承外國女生並非他杯茶：「我驚溝通唔到，外國人唔啱我。（鍾意咩地方嘅女仔？）唔係話黃皮膚、黑皮膚分別，溝通好重要，溝通有限度嘅話，開心未必分享到。（揀港女？）出到去好難識，隨緣啦，我都想。（你之前話想35歲前結婚？）我31歲咋，仲有4年。」而張智霖則表示比起拍荷里活片，反而較期待香港及中國製作，他解釋：「用自己語言演出係最好，唔會對荷里活製作流口水，喺自己市場打好基礎先。」