熊黛林改電話冇收城城祝福
前日生日的熊黛林（Lynn），前晚以紅色透視裙出席置地廣場時尚盛事「boutique boulevard Naturally LANDMARK」活動，她稱獲朋友送驚喜：「生日前一晚同朋友食完飯返屋企，竟然有朋友喺睡房行出嚟，佢哋唔想我一個人過12點。（單身後首個生日特別感觸？）冇，玩得特別開心，玩得夜都唔使擔心。」她坦言沒收到舊愛郭富城傳短訊祝賀，因她已轉了電話號碼，她解釋：「因為之前搬屋師傅拎咗我電話號碼，之後傳短訊畀我，好滋擾。（郭富城冇你新號碼？）好少人有。」
而郭富城昨晚出席「香港版Harper's BAZAAR 25周年慶典」，提到Lynn生日有否祝賀？他先想一想，微笑說：「過咗去，唔想講，喺度衷心祝佢生日快樂。（佢改電話避你？）唔係大家咁諗，最重要係佢開心。」
