劉嘉玲歐洲見識one night stand
劉嘉玲剛剛歐遊返港，此行除了參加時裝周、品嘗美食以及到鄉郊relax外，她還看了一場別開生面的高潮藝術展，在船上欣賞一百對couples齊齊one night stand，還會放煙花代表高潮的秒數，嘉玲絲毫不覺得尷尬，還大讚浪漫有創意。
一身高雅打扮的劉嘉玲前晚出席活動時表示自己剛從歐洲返港：「我啱啱落機，去咗fashion week，同埋喺倫敦玩咗幾日。（有冇大出血？）依家唔買嘢喇，會買少少特色嘢，好多時都係去啲郊外relax，我鍾意啲鄉村地方。（有冇買嘢畀偉仔？）冇，我去睇時裝，食嘢同埋睇藝術展。個藝術展好特別，係由藝術家嚴培明同著名音樂家譚盾一齊搞嘅，邀請咗一百對couple喺船上面one night stand，船上放滿蠟燭，淨係睇到佢哋嘅剪影，有放煙花，煙花代表咗佢哋高潮有幾多秒。（會否覺得尷尬？）唔會，我覺得好靚、好浪漫同好藝術，好有創意，要喺西方國家先做到。」
有意學老公禪修
問嘉玲為何偉仔沒有同行？她說：「佢去咗台灣法鼓山禪修，修三日禪，三日唔准講嘢，林青霞同曾志偉都試過，我都想試吓三日唔講嘢係點嘅，志偉咁嘈吵都可以忍到。」而提到早前她老友王菲返港，她身在歐洲未能照顧對方，嘉玲即說：「佢唔使我照顧，佢好獨立，知道自己做緊咩。（有傳阿菲再出碟？）佢應該要出碟，佢唔唱歌好嘥。」
周汶錡唔催妹嫁
當晚同場的嘉賓還有名模周汶錡（Kathy）、Jocelyn、Ana R.、Mandy Lieu，以及星級形象指導郭慶彬等。穿上胸口開窿裙上陣的Kathy十分性感，她表示不會走光，也不用打底，自己的身材向來並非出眾；提到她妹妹周麗淇與內地演員徐正曦拍拖，Kathy說：「恭喜佢啦，佢喺感情上鍾意做咩就做咩，畀多啲空間佢哋。（有冇見過個男仔？）冇，佢喺內地拍劇，見唔見都唔緊要啦，都揀定咗，開心最緊要，希望佢早啲嫁。不過見吓面，同屋企人溝通吓都好。」她強調最緊要妹妹開心，自言不會逼妹妹快些嫁，不會給妹妹壓力，自己也是拍拖多年才結婚。
文：名人組