鍾采羲處女下海半裸誘人
「爆E超蓮」鍾采羲（Iris）早前處女下海拍攝電影，更搏盡騷逼爆身材，她笑說︰「喺戲入面我都幾性感，雖然冇床戲，但會有一幕側身半裸色誘人嘅鏡頭，係講點樣色誘整蠱杜汶澤。」她更直言不排除往後會在大銀幕上全裸上陣︰「都係睇劇本同題材，如果適合嘅都可以考慮。」
提到早前突然宣布退出幕前的同門師姐陳靜（DaDa）曾奪電影獎項，Iris直言對自己充滿信心︰「當然有信心啦，睇吓可唔可以幫公司拎到另一個獎。」寸嘴的她更直指對公司不會有大影響︰「無咗個DaDa，出面仲有千千萬萬個對手，佢自己放棄呢個機會，但出面好多人珍惜。我同佢公私兩方面毫無瓜葛，本身唔熟，佢係我師姐，平時無contact，但我尊敬佢之前咁勤力。」
攝：吳文聰
場地及服裝︰Roxy