子怡缺席照封后 張家輝大熱稱帝

「第10屆華鼎獎全球演藝名人公眾形象頒獎禮」昨晚於澳門威尼斯人劇院舉行，除吸引昆頓塔倫天奴（Quentin Tarantino）、妮歌潔曼（Nicole Kidman）、尼古拉斯基治（Nicolas Cage）、Avril Lavigne、森禾霍頓（Sam Worthington）等荷里活紅星外，張家輝、林峯、容祖兒、溫碧霞、陳法拉等本地紅星亦畀面撐場。

頒獎禮分為全球及中國部分，一共頒發10多個獎項，「中國最佳電影男、女演員」分別是張家輝與章子怡。已憑電影《激戰》奪得今屆上海電影節影帝的張家輝，如今因整體表現再創佳績，擊敗勁敵謝霆鋒稱帝，未知他能否承接這份運氣，繼續衝擊下月的台灣金馬影帝。至於早前大熱倒灶金雞百花影后的章子怡，昨晚終獲頒華鼎影后，惟整晚未見她現身。本報就此事聯絡子怡，她透過經理人回應，坦承早前的確被通知獲獎，奈何忙於拍攝吳宇森執導新片，未能親臨現場領獎。

導演林超賢（左）和張家輝（右）昨晚都有獲獎，兩人與英皇老闆楊受成分享喜悅。

章子怡膺中國最佳電影女演員。（資料圖片）

黃秋生急住攞獎

電視界別方面，近年集中火力在內地發展的林峯奪得「中國最佳電視男演員」，比在娘家無綫還要早奪視帝，林峯直言感覺不同：「今年多機會拍內地劇，希望呢個獎之後，觀眾會睇埋之後我嘅努力，（女友吳千語腳頭好？）好幸運，好嘅戲有大家支持。」至於離巢無綫的陳法拉則獲「中國最佳電視女演員」，法拉直言視后獎名銜大，令她高興非常，更指此獎會鞭策她往後角色演得更好。及後，法拉更主動以廣東話接受有線訪問。

兩位影帝尼古拉斯及張家輝在後台握手互笠高帽。	演戲與唱歌都有好成績的林峯昨晚奪視帝。	最近憑《衝上雲霄II》人氣急升的陳法拉成為視后。
尼古拉斯（左）昨到澳門的英皇珠寶店睇首飾。	鍾麗緹大爆多人追。

獲得「中國最佳話劇男演員」的黃秋生笑言心情緊張：「頭先好急想去廁所，自己啱啱組成一個劇團，都有幫助，仲要係趙本山頒獎畀我，好有意義，（張家輝攞影帝！）恭喜佢，要去夜總會慶祝，叫幾個……我自己就返去瞓。」至於「全球最佳電影男、女演員」分別為尼古拉斯及妮歌奪得，尼古拉斯趁頒獎禮舉行前，先到英皇鐘錶珠寶店參觀，他似乎對店內的翡翠甚有興趣。

獲尼古拉斯大讚

兩大出爐影帝於後台相遇，尼古拉斯與張家輝雙雙合照兼互笠高帽，對於尼古拉斯有意以香港作為基地，家輝聞言笑謂：「咁傻嘅，好多人移民都係欣賞人哋地方山明水秀，不過香港都好多吸引力嘅地方，（得獎開心？）好開心，呢個獎係根據呢一年內人氣，所以好榮幸，好多人話我呢幾年做得好好多，其實都係同以前一樣嘅力，只係遇唔同導演，發揮機會唔同。」