肥媽告別騷喊爆
由葉麗儀、陳潔靈、Maria Cordero（肥媽）前晚在紅館舉行一連兩場「3個女人一個墟2013唱過界演唱會」，今次是三人告別作，她們都感到捨不得，眼淺的肥媽在個唱上三度落淚，她哭着說：「今次可能係我最後一次企呢個台。」日前自爆生子宮瘤的肥媽，她坦言老公嬲她生瘤都開騷，她哽咽：「我冇坦白同佢哋講病情，佢哋知我生瘤，但唔知要開刀，老公叫我唔好做呢個騷，切咗先做。」雖然她仍未看報告，但已決定下個月入院做切除手術，因個瘤有六點幾厘米大，樂觀的她還懂開玩笑說：「唔生仔就會生嘢，日日都有人切。」
唱了四十四年歌的葉麗儀也自爆領取了長者卡，她笑說：「不得不承認自己歲數，我用緊老人家八達通，日前搭港鐵仲畀職員查證，我慶幸自己個樣仲咁後生，今日喺上水搭嚟紅磡都係兩元車費。」令觀眾捧腹大笑。