As One四成員一條心

女子組合As One昨日繼續三缺一出席「ALCATEL ONETOUCH IDOLX 6040D手機發佈會」，眾人表示成員Oli已康復得七七八八，會盡快歸隊，但就未能參與錄製新歌：「因為今次隻舞好高難度，又要踢腳，又要一字馬同拱橋，所以今次首歌唔會有Oli住，怕整到佢傷口，等佢休養好，先再join我哋。」
As One揚言不會丟下受傷的Oli，永遠都是四人組合。
As One揚言不會丟下受傷的Oli，永遠都是四人組合。

另一成員Elfa稱不怕對方會流失fans，她說：「我哋3個有keep住做嘢，而且佢喺Instagram都開始post番相。」至於Shin亦向fans派定心丸：「我哋見到有人喺網上話我哋改做3人組合，係絕對唔會，我哋永遠都係4人組合。」