張智霖操刀 圓伍姑娘企街夢
【羅宛君澳門直擊】張智霖（Chilam）昨日出席活動透露下周將與好友伍詠薇（伍姑娘）及蔡一智夫妻歐遊，並笑言為圓伍姑娘着絲襪、高踭鞋在巴黎嘗當妓女滋味，將為對方操刀任導演拍攝微電影，更踢爆對方為了此演出放棄「濕平」，Chilam說：「都幾期待。」
張智霖（Chilam）、吳雨霏（Kary）、鄧紫棋（G.E.M.）及林德信等歌手昨日出席澳門舉行的活動，Chilam以壓軸嘉賓出場，並走到台下與歌迷握手，由於大會原先名單沒有其名字，Chilam說：「十幾日前收到通知，可能驚就唔到期，因為做完就要去深圳出席樓盤活動。」
鬧Chilam正衰人
剛與伍詠薇及蔡一智夫妻旅遊返港的Chilam自爆下周再與眾人飛巴黎，他說：「伍姑娘話想着絲襪同高踭鞋喺巴黎街頭做妓女，所以今次想由我做導演拍套微電影。（佢唔使Shopping？）佢話唔使，聽住先啦，不過都幾期待。」
而伍姑娘昨日在電話中接受訪問，笑罵Chilam「正衰人」，澄清其妓女的夢想只是戲言：「講笑咋，因為佢好鍾意扮導演幫人拍嘢，估唔到佢講出嚟。」反爆Chilam要求他們在巴黎鐵塔下給他拍MV。
G.E.M.繼續敢言
早前G.E.M.在微博對內地死囚夏俊峰要求死前與家人合照被拒一事，她留言：「為什麼行刑前連拍一張最後的合照都不行？」惹網民喪插，被叫「收聲」的G.E.M.解釋說：「網民係出於好心，驚我捲入爭議話題，係擔心我。（唔驚阻礙內地發展？）有時有啲嘢忍唔住口。」
問到日後會否少講為妙？她說：「唔會，幸好身處香港，會繼續講想講嘅。」