葉俊亨目標捧最受歡迎獎
馬來西亞歌手葉俊亨（Hank）可謂新一代追夢人，不怕勞苦身兼歌手及藥品銷售員二職，更馬港兩邊走，只為達到心中的夢想。細細個已經很喜歡唱歌的Hank，經常對鏡學偶像李克勤的唱腔：「因為哥哥好鍾意聽李克勤嘅歌，所以自己都鍾意咗，不但學佢唱歌，仲練埋喉核都要識震！」
於2012年推出首張EP兼獲得新城勁爆新登場海外歌手的他，對歌唱事業充滿信心，現正籌備第二張個人國語專輯。對未來充滿希望及目標的Hank說：「我希望成為巨星，喺頒獎禮上拎到『最受歡迎』嘅獎項，當然呢樣嘢對我嚟講仲係好遙遠。」
除了唱歌，原來Hank極喜歡做戲及扮嘢，曾在馬來西亞參演電影及劇集，笑言是朋友圈中的「扮嘢王」：「好鍾意模仿，有時我望住鏡中嘅自己，都發現自己幾有潛質扮變態佬！」