Regen天生陰陽眼 撞鬼當食飯
組合HotCha成員Regen帶同師弟Ivan（李安豪）勇闖主題鬼屋，他們原來自小已遺傳「家族性陰陽眼」，對於這些「A貨鬼」完全免疫。不過鬼屋內始終氣氛恐怖，Regen全程捉實Ivan手臂，以防被嚇一跳。
Regen日前與師弟Ivan率先體驗主題公園的萬聖節鬼屋，戴上應節魔鬼角的他們先試玩韓流主題鬼屋，驚現一名「爆肌型鬼」，兩人不但沒有被嚇破膽，反而上前「集郵」，但當Regen經過一些布置陰森的場景時，即變「男人背後女人」，匿在Ivan身後兼捉實對方手臂。
原來Regen自小已喜愛獨自睇鬼片，加上曾挑戰東京的超大型鬼屋，因此對於今次試玩完全冇有怕。她透露膽大主因是遺傳了「家族性陰陽眼」，多次撞鬼經驗令她自動免疫：「中學時我見到側面有個『人』企喺度，烏烏哋身，長頭髮，白色袖。」她更自爆家人曾惹鬼上門，最後要請高人「趕客」：「我哋成家都經常遇到靈異嘢，有次全家去泰國，電視同燈無喇喇又開又熄，不過全家人都見慣見熟，完全冇理。但有次媽咪話有個『男人』跟住佢，之後佢係咁病都醫唔好，最後搵人做場法事。」
師弟一樣免疫
至於Ivan同樣有多次撞鬼經驗，最深刻是凌晨三點在荒廢小屋驚見小朋友，他說：「我係住梅窩，嗰度出名好多冇人住嘅荒廢屋，有晚凌晨三點幾踩單車返屋企，見到間屋道閘有個窿，入面有小朋友喺度左望右望，我即刻踩快兩步，所以我依家對鬼屋都冇咩感覺，呈陰性反應。」
文：音樂組
場地：海洋公園