翁虹出書授 保養秘笈
被稱為「逆生長女王」的翁虹，最近推出新書，分享多年來的扮靚保養秘笈，早前新書於北京舉行盛大記者會，吸引不少傳媒採訪，身穿短裙的她大騷誘人長腿，席間更獲老公Will、六歲囡囡及20多位由她助養的兒童撐場，期間一眾人為翁虹補祝生日，齊齊吹蠟燭許願，壽星女更大方地即場自爆現年45歲，此語一出即令到全場嘩然，不約而同讚她保養得好，完全看不出歲月痕迹。
做善事最靚
翁虹坦言保養之道在於心態的健康，她說：「一個人要對生活有滿足，因為知足就會快樂，快樂先會靚，其實做人最緊要識得愛錫自己，錫自己嘅人先會錫身邊人，依家嘅我覺得靚要由內心發出，做善事嘅人最靚，多做善事嘅人會有光彩，幫到人先開心。」多年來堅持行善的她直言因為內心歡樂，自然會散發出美麗，完全不用靠打針做人工修補。
而翁虹再次出書教扮靚，捧着新書她直言最感謝老公的支持，更說：「冇老公支持唔會有呢本書嘅誕生，我覺得呢本書係老公送畀我最好嘅生日禮物，好有意義。」
文、攝：追蹤組