歐陽巧瑩講「琛」護有米男友
一班出爐港姐昨日出席高爾夫慈善賽活動大展身手，但蔡思貝自言仲後生，很難投入該運動；至於被爆拍拖的歐陽巧瑩則保密富家男友的身世，只願透露對方名叫「阿琛」，並已達見家長地步。
應屆香港小姐陳凱琳、蔡思貝、劉佩玥和歐陽巧瑩，聯同藝人鄭俊弘、溫家偉、黃長興和賭王何鴻燊三太兼東華三院主席陳婉珍博士，出席「歡樂滿東華HKT．觀瀾湖高爾夫球慈善大賽」記者會，並即場示範打golf，四位港姐表現尚可，愛做運動的亞軍蔡思貝笑言自己後生，可參與刺激運動，到年長點亦希望學習高球，而她稍後有意參加馬拉松比賽。
已見家長
「友誼小姐」歐陽巧瑩早前被指男友是富家子弟，活動上她沒有否認說：「佢還佢我還我。（男友好有錢？）我覺得唔係，唔係大家想像中咁，都係正常人，佢有冇錢都同我冇關係。」她大方表示大家拍拖一年多，被問到男友工作，她說：「自己嘅事會同大家講，但別人嘅事就唔方便講太多，人家比較低調，擔心對方家人不喜歡。」最後她只願透露對方叫「阿琛」，有見過對方家長。
至於進身《星夢傳奇》五強的鄭俊弘，透露已呼籲朋友在決賽夜為他打氣和投票，他表示現在為揀歌而煩惱：「唱英文歌或彈結他演出怕觀眾覺得做得太多，但彈結他可以冇咁緊張。」對於演出無綫台慶亮燈儀式他直認不諱，還自爆曾在台慶做過「樹葉」，所以會珍惜今次機會。
文：影視組