歌手鄧紫棋（G.E.M.）和周柏豪昨日一同出席電台活動，對於緋聞男友林宥嘉最近換長髮look，G.E.M.笑稱對方似小丸子，但仍大讚男友：「小丸子幾可愛吖！我細個成日睇。（鍾唔鍾意呢個真人版？）都幾可愛嘅。（喜歡佢長髮定短髮？）佢啲頭髮都唔係好長啫，一個人有自信就點都好睇。」日前去了廣州舉行演唱會的她又讚歌迷唱歌最叻，皆因全晚全場不下十次萬人大合唱，令她感動落淚。

而周柏豪就表示因颱風關係，前日未能到澳門拍攝新戲最後一日戲份，他又稱雖無宗教信仰，但拍此鬼片前仍有拜神：「我唔驚，但我尊重。好彩我冇撞鬼，係個電視無喇喇自己開咗啫！」