栢芝反擊 冇攞霆鋒贍養費!

雖然栢芝與兩名囝囝Lucas及Quintus移居加拿大過平淡生活，不過關於她與霆鋒的消息卻沒完沒了，最新鮮熱辣的，是盛傳栢芝的贍養費「加碼」到每月7位數，更言之鑿鑿指栢芝承擔了自己父親投資失利的債項，每月所須的支出數字相當龐大！

有份投資舊愛巢

報道出街後，記者聯絡上栢芝經理人周小姐，她直言擔心栢芝的聲譽受損，開腔回應：「呢啲報道沒完沒了，由之前寫2000萬元到依家離譜到講緊每個月7位數，我覺得已經忍無可忍，所以即時交畀律師處理，其實由離婚到依家，栢芝從來冇收過任何贍養費！」

霆鋒昨日從內地飛返香港，並與在場記者有講有笑。

霆鋒聲明

周小姐承認霆鋒有負責一對兒子的日常生活費，但栢芝則一向「自給自足」，出道10餘年都是自己承擔起供養父母及家人的責任，不過當問到是否栢芝主動放棄贍養費時，周小姐則表示：「呢個唔使講，亦唔係重點，最緊要係我哋真係一蚊都冇攞過。」

至於當年位於舂坎角的「愛巢」至今仍未放盤，周小姐表示該物業栢芝亦有份投資，她們有證有據。周小姐又強調希望大家給與栢芝適當空間，方便照料一對年幼兒子，令他們可以過平靜的生活。

而霆鋒昨午一時許由內地飛返香港，助手表哥發現機場有不少記者，即八卦打探，當得悉記者在苦候碧咸時，霆鋒竟擲下耳機，鬼馬向記者說：「頭先我喺入面見到佢，叫佢唔好出嚟囉。」可見心情不錯。

發聲明保護前妻

至於報道指的7位數贍養費問題，霆鋒透過律師發表聲明，針對該失實報道，直言對影響到前妻及小孩的生活感到遺憾，並表示法院已頒令雙方就資產及金錢問題要絕對保密，倘若日後再有「知情人士」欲以虛構資料，透過媒體胡亂猜測，他將保留法律追究權利。

文：影視組