女子組合Super Gear隊長文紫玲（Ling），早前與師姐蕊蕊到越南登台，順道遊覽當地，慳番機票錢。她笑說：「難得嚟到越南，梗係留番幾日玩啦！咁啱我係牛肉精，喺當地勁食生牛肉河粉，同埋其他越南特色小食，酸酸地好好味，正！」
Ling大讚當地人熱情兼有禮貌，她表示：「有一日我蕩失路，啲人見我咁迷惘，好主動行埋嚟問我，之後仲親身教我點樣搭車。依家諗番起，佢哋冇帶我去『賣豬仔』，我真係出路遇貴人呀。」
