身家過半億？ 張兆輝：覺得有少少醜
前晚趁中秋前夕，陳煒宴請劇集《神鎗狙擊》眾台前幕後，以及張兆輝、溫家偉等迎月，陳煒笑言張兆輝已請客多次：「我哋都唔好意思叫佢再請，所以要請佢食番餐，佢真係好好人，戲內戲外都教我哋好多嘢。」
至於有指經營美容生意的張兆輝身家過半億，他聞言笑道：「唉！呢啲咁嘅傳言唔使聽咁多。（有半億？）我冇係咪佢哋畀我？將來有我就唔知啦，但希望大家幫幫忙，唔好再講咁多，其實依家半億喺香港大把人多過你啦，真係覺得有少少醜添，一陣稅局話唔係咁計一計就麻煩。」他指美容生意好，全靠真材實料、落足心機。問到陳煒張兆輝是否有半億身家？她笑說：「佢唔單止人富有，心中都富有，呢啲好友要識多啲！」