孫佳君Danielle大方傾湊仔經
昔日同是「神童輝」羅兆輝舊愛的孫佳君及Danielle同場，二人全程表現大方，不但互相問好及合照，更大談湊仔經。Danielle否認曾與羅兆輝拍拖，聲稱二人只是朋友關係。
周慧敏（Vivian）、孫佳君、Danielle、李彩華（Rain）、溫碧霞（Irene）等昨日出席Suisse Programme活動。「警鐘胸」Jessica C.、傅嘉莉及王曼喜更即場表演瑞士民族舞。
「神童輝」羅兆輝的兩名舊愛孫佳君及Danielle同場，二人一碰面即熱情地互相問好，又大方合照及一同接受傳媒訪問。問到她們曾與同一個男生拍拖，同場可有尷尬？Danielle澄清說：「我唔覺得係，我從來冇同佢一齊過，只係朋友！」孫佳君隨即附和說：「係啦。」及後，Danielle表示自己忙於照顧一對子女，亦不考慮再追生小孩，因她想繼續自己的模特兒事業。孫佳君則透露將開拍新戲，而中秋節則留港與兒子一同度佳節。此時，二人忍不住大談湊仔經，更謂小朋友長大得很快，很amazing。
遇「吳克羣」搭訕
早前到台灣工作的Rain，自爆於當地有艷遇。她說：「我有日着到成個學生妹咁去行廿四小時書店，點知有個樣子似吳克羣嘅男仔嚟搭訕。佢仲主動問我攞微信，我畀咗助手個微信佢，之後助手話我知佢每日都傳嘢畀我，仲話想約我見面。」但她坦言自己不相信異地戀，故不打算與對方見面。
溫碧霞賺咗幾千萬
以deep-v裙上陣的Vivian，提到王菲與李亞鵬離婚一事，她坦言對此感到愕然及傷感，但相信二人夠成熟做這個艱難的決定。而Irene則透露今年在內地拍了十多個廣告，賺了幾千萬元，並打算在紐約和法國置業，為將來囝囝到外國讀書作好準備。
文：名人組