張兆輝海味無言默契

張兆輝於新劇《神鎗狙擊》中有精湛的演出，他坦言自己近年的演出心態已有所轉變，重視作品質素，故拍此劇時，他都以最fit狀態，拍到一些危險鏡頭，更親身上陣，非常認真。他坦言希望此劇能帶出正面的訊息給年輕人，他說：「《神》劇我個角色正直、有原則、安分守己，謝天華個角色就成日想贏我，結果好易出事，譬如佢為贏我0.5秒，比賽時諗計偷雞，贏係贏呀，但畀人foul呢！我希望時下年輕人睇完個劇，明白即使你生命中會有成就，但都唔會立刻出現，做人做事要一步步嚟！凡事都唔可以太急進。」

唔再着緊收視

而張兆輝在《神》中與好拍檔周海媚（海味），繼1994年《情濃大地》後再度攜手合作，為娘家無綫効力，之前張兆輝坦言對收視感到滿意，不過他表示最着緊的不是收視率，他謂：「拍得就預咗播出街，雖然接《衝上雲霄Ⅱ》播，但我哋唔驚，《衝Ⅱ》同第一輯都隔成十年，我同海味都二十年冇合作無綫劇，觀眾都會有期待嘅！我同海味後生時各有各忙，依家見番好似失散多年老友，已經去到唔使多講都明白對方嘅地步，大家都好珍惜合作機會。」

張兆輝與周海媚相隔20年再合作拍劇，坦言覺得觀眾會期待。

操到最fit拍《神》的張兆輝揸住槍有型有款。

叫觀眾勿駁戲

另外，張兆輝昨日到電台接受訪問，談到在《神》中飾演的「Go Go Sir」開始為人熟悉，他笑言：「出街有人叫我Go Go Sir，咁都好呀，好過啲人嗌我張兆輝定張家輝。」提到劇集被指誇張失實，他表示電視劇要誇張點才有戲劇性，希望觀眾不要駁戲。

採訪：影視組

攝影：秦健輝

服裝：HARMONT & BLAINE