馬德鐘率眾「爆粗」

馬德鐘（Joe）、鍾嘉欣、梁烈唯及苟芸慧等無綫劇集《飛虎Ⅱ》演員到尖沙咀出席飯局，由Joe負責埋單。期間眾演員突然大嗌疑似粗口諧音的口號「Delay No More」，嘉欣聞言後即時嚇窒。Joe笑言是眾人心聲：「天氣好熱，每次着起成套制服好辛苦，大家講呢句發洩心情，想快啲拍完。」嘉欣笑言於劇中甚少與飛虎隊同場，第一次聽感覺特別。提到有傳林峯將自組公司，嘉欣說：「冇聽過。（向你挖角？）冇呀，我同TVB仲有好長約。」