Zing冇聽過有小三
王菲好友兼御用化妝師Zing昨日出席莫文蔚（Karen）的個人展覽，他直言有與剛離婚的王菲聯絡：「佢冇事，心情唔錯。」提到有傳信奉佛教的王菲有意出家，他反應甚大說：「邊個講？黐線，佢冇打算出家。（離婚原因？）大家都冇講過，完全唔知。」對於有傳王菲前夫李亞鵬有「小三」，Zing說：「冇聽過呢個消息。（擔心佢囡囡？）一啲都唔擔心。」
而Karen表示不便評論王菲離婚一事，問到她可有妙計箍實老公？她說：「我都唔係結婚好耐，好多嘢需要學，最緊要係互相信任。」對於老公Johannes拒絕與她現場展出的裸照合照？她笑言：「佢唔係咁輕易同人合照，同埋佢好怕醜。（呷醋？）都咁多年前影啦，佢好體諒我工作。」已為人妻的她笑稱應不會再影裸照，婚後甚麼也要有商有量。
