撐復出晒靚聲
對於「菲鵬離婚」，圈中人無不大表愕然。
陳法拉：
「我有睇過佢演唱會，喺後台見過面，佢一直係我嘅偶像，有啲可惜，（之前有傳你同薛世恒秘婚同離婚？有冇感同身受？）今日係佢生命中一件大事，唔應該多加自己嘅事上去，同埋我自己感情事一向想低調。」
楊怡：
「真係好可惜、好突然同好奇怪！不過兩夫妻相處好講緣分，希望佢哋個『嫣然天使基金』可以繼續運作幫小朋友！」
鍾鎮濤：
「唔知呢件事，聽到都好愕然，都唔知回應啲乜好。（之前兩夫婦嚟香港為嫣然基金籌款，有冇發現佢哋有異樣？）因為大家當時一條心做善事，忙到冇去感覺其他嘢。（之後有冇再見佢哋兩公婆？）冇見啦，希望佢哋冇嘢啦。」
謝天華：
「真係好突然，以前試過一次食飯見過面，我同佢哋都唔熟，相信離婚係夫妻之間相處嘅問題！」