嘉玲：冇第三者
作為王菲好友，劉嘉玲昨晚承認一早知悉，更否認菲鵬之間存在第三者：「佢兩個都係我朋友，對於佢哋呢個決定，作為朋友緊係難過，我知道咗都有一段時間，覺得好可惜、無奈，但尊重佢哋，一切留番畀佢哋自己處理。（係咪出現第三者？）以我所知，肯定冇！人生就係咁，好多嘢預計唔到，只能夠祝福佢兩個今後生活開心、美滿。」王菲經理人陳家瑛則對王菲婚變表示：「私人事不清楚，但佢兩個係和平分手。」
而上山詩鈉對消息極感驚訝，她說：「我唔知呀，冇睇微博，聽到消息好震驚。（你眼中佢兩夫婦相處成點？）每對夫婦喺埋一齊都係開心，但我依家唔方便回應咁多。」此外，嫣然天使基金也在微博表示，「尊重李亞鵬先生和王菲女士選擇了各自的人生軌迹」，但嫣然天使基金會繼續如常運作。而身為好友的趙薇在網上向好友寄予祝福及支持。
