余曉彤做打女見血

轉型做打女的o靚模余曉彤（Hidy）早前到馬來西亞拍電影《紅毛道士》，並與「食過夜粥」的八両金過招，當中拍一場森林打鬥戲時，要用真刀，Hidy不慎被劈到見血，她說：「工作人員話把刀用膠紙封住，開頭對戲我用手擋，突然覺得有啲痛，一睇隻手流緊血，我諗住唔好煩人，頂硬上，後來都頂唔順話畀劇組知。」

當中Hidy要色誘仇家埋身，更上演夢中攬錫戲，有場戲講蜥蜴跌落Hidy心口，她說：「戲中嘅對手幫我攞番隻蜥蜴出嚟，趁機抽水，拍攝時其實都有掂到。（真係抽水？）冇，我諗佢有少少驚我，因為戲中我會打佢。」Hidy讚八両金熱情、搞笑，又說他有八塊腹肌，八両金更叫Hidy打其腹肌。