接《衝Ⅱ》檔冇有怕 謝天華拖女狙擊

天華繼《學警狙擊》、《潛行狙擊》、《法網狙擊》，終於在新劇《神鎗狙擊》中名正言順做「狙擊手」，他笑言早已把劇名含「狙擊」的劇集，視為自己的「狙擊」系列。這次練習燒真槍、孭着重逾十幾磅的道具槍通山走，繼續以往的認真、搏命，他說：「我演過飛虎隊，未演過狙擊手，揸長槍至低限度要行出嚟pro！多謝今次拍《神鎗》，令我操fit，無理由飛虎隊凸腩執勤o架！我當咗『狙擊』係我自己嘅系列，希望今次都可以演到令觀眾覺得有血有肉嘅人物。」

讚子珊專業有默契

天華在劇中周旋於徐子珊、陳煒及岑麗香之間，他說：「子珊好專業，合作多次，有晒默契，佢一埋位就有戲；煒哥係第二次合作，佢角色充滿女人味，好有吸引力；香香就演初入飛虎隊嘅角色，有啲青澀，但睇得出佢好努力。」對於首次合作的張兆輝，天華說：「之前睇過佢好多作品，大家都喺呢行算資深，合作好愉快，完全唔使擔心對方。（《神鎗》緊接《衝上雲霄Ⅱ》推出，收視壓力？）一個揸槍，一個揸飛機，好難比較，最緊要觀眾睇咗先再畀意見，咁會公道啲！」

謝天華與子珊合作無間，兩人拿起重型武器擺甫士，得心應手。（資料圖片）

岑麗香

此外，天華前晚於《神》劇中猶如大力士上身，竟可一手攀山、一手講電話，神情離奇地輕鬆自在，非常誇張，結果被一眾網友寸爆；而香香則以小背心上陣跑步特訓，胸前蕩漾，引死宅男。

文：影視組　

攝：林蔚恩